Манай компани нь Монгол улс зах зээлийн эдийн засагт шилжин орж хүн амын хүнсний хангамжийн асуудал хурцаар тавигдаж байсан энэ үед ХБНГУ-ын тоног төхөөрөмж, технологиор 1994 оноос хиам, махан бүтээгдэхүүн үйлдвэрлэж эхэлсэн анхны компаниудын нэг юм.
Мал төхөөрөх, мах боловсруулах үйлдвэрийн технологи үйл ажиллагаа, мал эмнэлэг, ариун цэврийн байдалд хянан магадлагаагаар "ААА" зэрэглэлийн ИТГЭМЖЛЭЛ авсан үйлдвэр.
Мах бэлтгэх, хиам болон нөөшилсөн махан бүтээгдэхүүн үйлдвэрлэх, тээвэрлэх үйл ажиллагаанд эгзэгтэй цэгийн аюултай байдлыг шинжилж хянах тогтолцоог нэвтрүүлсэн үйлдвэр.
Үйлдвэрлэл явуулдаг өөрийн байрандаа TL 140 ISO/IEC 17025:2005 ( MNS ISO/IEC 17025;2007 ) стандартын шаардлага хангасан итгэмжлэгдсэн сорилтын лабораторитой болсон үйлдвэр.
Хүн од ХХК нь ОХУ, Хятад, Герман, БНСУ зэрэг орнуудтай Монгол мах, махан бүтээгдэхүүн экспортлох ажлыг тогтмол хийж харилцан ашигтай хамтран ажиллаж экспорт импортын үйл ажиллагаа явуулж байна.
Бид 27 жилийн турш хүнсний аюулгүй байдал, эрүүл ахуйн чанарын шаардлага бүрэн хангасан эрүүл махан бүтээгдэхүүнийг үйлдвэрлэн хэрэглэгчдэдээ хүргэсээр ирсэн билээ. ХБНГУ-ын техник, технологиор 30 нэр төрлийн консерв, хиам, зайдас зэрэг бүтээгдэхүүндээ загварын патент авч, тэмдэгээр хамгаалуулсан брэнд бүтээгдэхүүнийг хэрэглэгч та бүхэндээ үйлдвэрлэн хүргэж байгаа юм.
Манай компани өдөр бүр шинэ бүтээгдэхүүн үйлдвэрлэн хэрлэгчийн гарт хамгийн ойрхон худалдааны төв, зах, дэлгүүрт зориулалтын машинаар түргэн шуурхай тээвэрлэн хүргэдэг бөгөөд түгээлтийн боловсронгуй системийг удирдлага болгон ажиллаж байна.
“Хүн од” ХХК нь Улаанбаатар хот болон орон нутагт байрлах бүх зах, дэлгүүр болон бусад аж ахуйн нэгж байгууллагуудын мах, махан бүтээгдэхүүний хэрэглээг байнгын болон түр хугацааны гэрээгээр бэлтгэн нийлүүлж байна.
Булган, Төв, Орхон аймгийн зарим суманд гахайн мялзан өвчин гарсан болох нь тогтоогдон хорио цээрийн дэглэм тогтоон ажиллаж байна.
НМХГ-аас өнөөдөр Цагаан сарын баярыг угтсан хяналт шалгалт болон нийслэл хотод гахайн мялзан өвчний нөхцөл байдал ямар байгаа талаар мэдээлэл өглөө.
Арилжааны банкны эх үүсвэрээр малчдаас мал эмнэлэг, ариун цэвэр, эрүүл ахуйн шаардлагад нийцсэн, мал эмнэлгийн гэрчилгээтэй махыг хэрэглэгчдэд хаврын улиралд тогтвортой үнээр хүргэх ажилд оролцох хүсэлтэй аж ахуйн нэгжүүд доор дурдсан баримт бичгийг битүүмжлэн, 2019 оны 2 дугаар сарын 28-ны өдрийн 16 цаг хүртэл Хүнс, хөдөө аж ахуй, хөнгөн үйлдвэрийн яамны 5 давхарын 504 тоот өрөөнд ирүүлэхийг хүсье.
Үйлдвэрийн аргаар боловсруулсан хүнс болон хоол үйлдвэрлэлийн бүтээгдэхүүний давсны агууламжийг бууруулах, иоджуулсан давсны дотоодын үйлдвэрлэл, чанар, аюулгүй байдлын хяналтыг сайжруулах зорилготой "Давс багатай бүтээгдэхүүн үйлдвэрлэлийг дэмжье" арга хэмжээг хоёр үе шаттайгаар зохион байгуулж байгаа билээ.
Эрчимжсэн мал аж ахуйн хөгжлийг дэмжих үндэсний хөтөлбөрийг баталлаа. Хэрэгжүүлэх арга хэмжээг жил бүрийн Үндсэн чиглэлд тусгаж, шаардагдах хөрөнгийг улс, орон нутгийн төсөв, гадаадын зээл, тусламжаас гаргах юм. 2019-2023 онд хэрэгжүүлэх хөтөлбөрт 166,3 тэрбум төгрөг зарцуулахаар төлөвлөөд байна.
МХЕГ-ын Экспорт, импорт, хилийн хорио цээрийн хяналтын газар, Хүнсний аюулгүй байдал, хөдөө аж ахуйн хяналтын газар, Стандарт хэмжилзүйн газар, Монголын махны холбоо, аймаг, нийслэлд үйл ажиллагаа явуулж буй мах, махан бүтээгдэхүүн үйлдвэрлэгч, экспортлогч аж ахуйн нэгжийн төлөөлөл сургалт хэлэлцүүлэгт оролцлоо.
